Sunday, October 14, 2007

Kakaibang pagkakaibigan
ni: Bea Pamen
Sa isang malayong lugar ay may batang babae na nagngangalang Cynthia. Si Cynthia ay isang mahiyaing bata kaya naman wala siyang mga kaibigan. Ang tanging kaibigan niya lang ay ang isang madumi manikang pinangalanan niyang Samantha. Si Samantha lamang ang itinuturing niyang tunay niyang kaibigan, sa kanya niya sinasabi ang lahat dahil alam niyang hindi siya nito huhusgahan at makikinig lamang sa kanya. Isang araw habang nasa labas at inaayusan si Samantha ay may lumapit na isang batang babae na nagngangalang Kyla. Sinubukan ni Kylang makipagkaibigan kay Cynthia, pero dahil nga sa mahiyain ito ay hindi siya pinapansin. Nagalit si Kyla, kaya ang ginawa niya ay kinuha niya si Samantha mula sa kamay ni Cynthia at tinapak tapakan at ito at itinapon sa malayo. Walang nagawa si Cynthia kundi umiyak dahil nawala na ang itinuturing niyang matalik niyang kaibigan. Noong kinagabihan ay pinuntahan siya ng kanyang nanay at kinausap. "Cynthia anak ko, tahana sa pag-iyak. Sa tingin ko kailangan mo nang tanggapin na hindi mo na makikita si uli si Samantha kaya naman makabubuti sa iyo kung maghanap ka na lang ng ibang kaibigan." "Sa tingin ko po ay imposible yung mangyari" nakasimangot na sagot ni Cynthia. "Anak walang imposible. Ba't kaya hindi mo subukang makipagusap sa ibang bata. Sa tingin ko iyan ang gusto para sa iyo ni Samantha. Ayaw niyang magmumukmuk ka lamang dito." "Talaga po?"sagot ni Cynthia. "Oo anak"sabi ng kanyang ina. "Sige po! sa tingin ko po ay nyan talaga ang gugustuhin para sa akin ni Samantha" nakangiting sabi ni Cynthia. Kaya naman noong sumunod na araw ay lumabas siya sa kanyang bahay. Nagulat siya noong nakita niya si Kylang nagaabang at may hawak hawak na sa tingin niya ay ang dati niyang manikang si Samantha. "Pasensiya ka na Cynthia sa ginawa ko kahapon, alam kong hindi tama iyon, kaya naman hinanap ko pa talaga itong manika mo dahil alam kong importante ito para sa iyo" nakayukong sabi ni Kyla. "Ano ka ba? okay lang iyon sa tinging ko naman ay hindi ko na siya kailangan dahil may nakita na akong bagong kaibigan" nakangiting sabi ni Cynthia habang hawak ang kamay ni Kyla. "Talaga Cynthia pinapatawad mo na ako?"sabi ni Kyla. "Oo pinapatawad na kita". At simula noon ay naging matalik na magkaibigan na sina Samantha at Kyla.
Ang suklay ni Lola
ni: Bea Pamen
Noong unana panahon ay may batang babae na nagngangalang Sarah. Mahal na mahal ni Sarah ang kanyang pamilya kaya naman ang lahat na iutos sa kanya ay ginagawa niya. Ang isa sa mahilig niyang gawin ay ang pagsuklay sa mahabang maputing buhok ng kanyang lola. Tuwing sinusuklay niya ang buhok nito ay kinukwento niya ang lahat ng nangyayari sa kanya kaya naman mas malapit siya sa kanyang lola kesa sa kanyang mga magulang. Isang araw habang sinusuklayan niya ang kanyang lola ay napansin niyang ang daming naglalagas na buhok. Natakot siya dahil akala niya ay kasalanan niya ito kaya naman nagpasya siyang tanungin ang kanyang ina. Noong nasa pinto na siyang ng silid ng kanyang mga magulang ay narinig niyang sinasabi ng kanyang ina sa kanyang ama na lumalala na daw ang sakit ng kanyang lola dahil sa mabilis kumalat ang cancer cells at konting panahon na lang ang nalalabi para makasama nila siya. Nang marinig ito ni Sarah ay umiiyak siyang pumunta sa kanyang lola na nasa kabilang kwarto. "Bakit ka umiiyak, o mahal kong apo" nanginginig at mahinang sabi ng kanyang lola. "Totoo po bang kaunti na lang ang natitira panahon na makakasama ko po kayo?" sumisinok na tanong ni Sarah. Kinuha ng kanyang lola ang suklay at ibinigay ito kay Sarah. Hinawakan niya ang mukha ni Sarah at tinignan siya ng diretso sa mata at nakangiting sinabi "binibigay ko na sa iyo itong suklay ko. Isa itong palatandaan na kahit saan man ako magpunta ay hindi kita iiwan at mahal na mahal kita." Kinuha ito ni Sarah at nagpasalamat. Pagkalipas ng ilang araw ay pumanaw na ang kanyang lola, hindi ito kaagad na natanggap ni Sarah kaya naman nasa kwarto lang siya at walang tigil na umiiyak. Noong tinaas niya ang kanyang ulo ay nakita niya ang suklay na bigay sa kanya ng kanyang lola, kinuha niya ito at tinitigan ng ilang minuto. Bigla siyang ngumiti at binulong sa hangin ang mga katagang "mahal ko rin po kayo lola."
Ingay at Katahimikan
ni: Bea Pamen
Isang gabi habang nakatingin sa kawalan
ipinikit ko ang aking mga mata upang ang paligid ay pakinggan.
Nakarinig ako ng mga batang nagtatawanan,
pati na rin ng busina ng jeep na tila dinig sa kalawakan.
Ang sunod kong sinubukan ay ang loob ng aming bahay
dito'y marami rin akong napakinggan,
tulad ng palabas na pinapanood ni itay
pati na rin ang dalawang kapatid kong nagbabangayan
Ako'y pumasok na sa aking kwarto upang magpahinga,
humiga sa kama at ipinikit ang aking mga mata.
O kay sarap ng epekto ng katahimikan sa aking tenga
parang nagsiwalaan lahat ng aking mga problema.
Batas
ni: Justine Gumaru
Bawat lugar sa Pilipinas,
ang naririnig natin ay ang mga politiko.
Politikong nagsasabing sundin natin ang batas,
pero sila mismo ang sumasaway.
Kahit tayo,
hindi sumusunod sa batas.
Kahit saan ka lumingon,
may makikita kang sumasaway.
Batas trapiko,
Bawal pumarada, may pumaparada
Bawal tumawid, may tumatawid
Bakit hindi sumusunod? Mahirap bang sumunod?
Ano kaya ang pagkukulang?
Pagkukulang ba ng tao o
pagkukulang ba ng nagpapatupad?
Kung ating pagmamasdan, simple lang ang batas.
Batas na dapat tupdin ng sinuman.
Mamayanan na dapat maging masunurin at
Pamahalaang masipag at may pininindigan.
Ang bawat batas
ay dapat sundin ng buong puso
upang umunlad an ating bansa
Buhay ng isang OFW
ni: Nene Takahashi
Kami ay isang masayang pamilya
na laging magkasama sa hirap at ginhawa
gagawin ang lahat para kami'y magkasama
sa mga oras na nasayang ng aming pagsasama
Ka'y hirap mabuhay ng malayo sa pamilya
ngunit kailangan kong kumayod upang umangat ang aking pamilya
titiisin ang lahat kahit hindi kami magkasama
magkausap man lang sila ako'y masaya na
Pag ako'y nasa piling nila,
hindi ko mapigilan ang ngiti sa aking mukha
sapagkat ang aking ligaya ay abot langit,
kahit ang puso ko'y nakakaramdam ng pait
Lahat ng aking paghihirap para din sa kanila
dahit ang buhay ko'y puno ng pagdurusa,
lahat ng ito'y haharapin ng may pag-asa
para sa ikabubuti ng aking pamilya
Ang tunay na pagkakaibigan
ni: Nene Takahashi

Sino ba ang aking tunay na kaibigan
na laging nandyan sa tuwing ako'y nangangailangan
aking karamay sa tuwing ako'y nahihirapan
kami'y nagtutulungan kahit kamiy nahihirapan

Sino ba ang pwede kong sabihan,
ng aking mga problemang di ko kayang solusyonan
ka'y hirap hanapin ng kaibigang mapagkakatiwalaan
dahil sa panahon ito'y ang mga tao'y puro kasinungalingan

Ka'y hirap ng hanapin sa panahong ito
ang tunay na kaibigan na hinahanap hanap ko
madaming barkadang nagkakawatakwatak na ngayon
dahil sa tiwalang nawala na binuo nila noon

Kaya't aking napagisipan
kung sino ang mga tunay kong kaibigan
sila pala ay nandyan lang sa tabi
para kami ay magtulungan